عجيب يا قلب تعشق المقفي

وتخلي اللي كل يوم مقابلك

وراك عنها ما تصد وتعفي

حتى تعاملها مثل ما تعاملك

ليا شفتها بين الحنايا ترفي

تقول طير فالشبك شابكه سلك

خطرعلى دمي ينش ويجفي

والا من أبراج الكرامة تنزلك

واندم على ما فات واصفق بكفي

وأنا الذي من بين الأضلاع شايلك

يا قلب ساعدني وخلك بصفي

ارفع مقامك يرفع الله منازلك

ما لك ومال اللي يدور ويلفي

والا تجامل واحد ما يجاملك

حب كما جرف هيال مهفي

لا يشغل أفكاري ولا أبيه يشغلك

أنا هواي اللي بغيته وشفي

بنت الرجال اللي حياتي لها ملك

هي من بنات آدم وحوا تكفي

لا عاشق هذي ولا عاشق تلك

ما أجيلها خفيه واروح متخفي

حب على وضح النقا ما يزلزلك

لو لام نقال العلوم الموفي

اللي يزيد السالفه لين يزعلك

النفس حيه والضمير متوفي

همه يودي لك وهمه يجيب إلك

ليته على خيره وشره يقفي

الخير ما من خير والشر واصلك