مبروك ياسيدي ياقايد الأمة
يوم السعودي نهار الحسم سواها
صوعان في وسط سدني محرق دمه
وخذا ميدالية كل تمناها
رقم الحواجز جديد وللعرب ضمه
وابهر جميع الخلايق يوم عداها
لأجل الوطن ضاعف المجهود ماهمه
خصوم هادي على اللعبه تحداها
اعجاز وانجاز والعاب القوى قمه
من يوم نواف ابو محمد تولاها
مشكور يا اميرنا ياعالي الهمه
كوادر بعالم التدريب ناداها
ونواف ابن فيصل اللي ناب عن عمه
اشرف على بعثة الإنجاز وأوصاها
والعاتق اللي يشيل همومنا الجمه
وجه السعد للرياضة راسم خطاها
شيخ وضع خطة مرسومة رسمه
اللي تحقق لنا سلطان مبداها
بين الرياضات جا للمملكة زمه
خطه سليمة قوية شاد مبناها
ابداع وسط المحافل ناخذ القسمه
ثمرة رعايه وزرعنا ثم قطفناها
شباب كل الوطن دايم على الذمه
تشوف الإنجاز بعيونه وتقراها
