وش عاد لا مس الزمن حبل الاحلام

النفس بأمر الله بعيد مداها

العين تستشرف مقاديم الايام

ما يوم لدت بانتكاسه وراها

اعاف روضٍ قد وطت فيه الأقدام

عيني على نجمه بعالي سماها

أبتع بجرح قلوب حساد الآنام

كم غاية طموح راسي جناها

والقى بصبري لاكترب وقتي حزام

عزيمتي ما قد خذلني وفاها

حتى ولو حظي غدى ضمن الاخصام

الليل عقبه شمس يشرق سناها

العمر مرة لو يطولن الاعوام

أنهل شهد دنياي واجحد شقاها