بين الحنايا خفوقٍ كله احساس

سلامته يا سعد مما يعانيه

قلبٍ كبير عطوفٍ كنه الماس

متوجعٍ ما شكى من طيب راعيه

الله يجازي الذي حده على الباس

ثمان ساعات والمشرط يداويه

يوم الثلاثاء حبسنا فيه الأنفاس

يا فرق حزن اوله من فرح تاليه

يا حظ من مثلك حب ها لناس

كلٍ تمنى جروحك يا سعد فيه

ربي يجيرك من الونات واليأس

ويبلغك ما يسر القلب طاريه

وداعتك لا تزيد البال هوجاس

والهم لو جاك تكفى لا تخاويه