هاضت هو اجيسي وشغلت الاحساس

واللغز حله نرسله يم راعيه

لغزك عرفته يا سفر طيب الساس

مخدة بفراش رجل مساويه

ترحيبة أغلى من الدر والماس

للشاعر اللي أعجبتني قوافيه

على المخده يرقد اللي به نعاس

هذا جوابي للجزيرة نوديه

اسمع لحل اللغز يا طيب الساس

لغز حقيقه وافياتٍ معانيه

حله مخدة راس لصابك انعاس

ياللي على بيض القراطيس ترويه

منته بعاصي يا سفر قلت بقياس

من طاع ربه من جهنم ينجيه

اعطيك حل اللغز من دون هوجاس

خل (المخده) تحت راسك توقيه

ياللي كتبت اللغز شاعر وحساس

بين عليك يدل لغز مسويه

وان كان يالعاصي قرب طرفك انعاس

قرب لك (وساده) عسى مانت عاصيه

يا مرحبا بك عد ما هب نسناس

واعداد ما هل المطر من مناشيه

يا كاتبٍ لغز الجزيرة على ساس

حله (مخدة) نوم هذي محاريه

ياللي كتبت اللغز لا باس لاباس

اهدي سلامي لك وللقاري اهديه

الله جعل بالنوم سبات ونعاس

تحت المخده لذة النوم تخفيه

عد الحروف اللي على بيض قرطاس

يا مرحبا بلغز الجزيرة وراعيه

رح (للوسادة) يا الذي صابك انعاس

ترتاح في اول نهارك وتاليه

يا مرحبا يا طيب الجد والساس

يا من الرجال اللي عزومه تقويه

هذي المخده دورها يرفع الراس

ومن يجهل الامور يحتاج توجيه

يا مرحبا وعداد ما هب نسناس

بالعاصي اللي طيبات معاتيه

هذي المخده جات للي به نعاس

اللي يجيه النوم راسه يوطيه

ويا مرحبا باللغز واللي له أرتاس

واللي بروس اللغز قوي معانيه

هذي المخده ياسفر جات للراس

واللي يجيه النوم راسه بوطيه

صلاة ربي عد ماهب نسناس

على نبي كلنا نقتدي فيه

وعسى تنام ولا يجي عمرك الباس

وترى المخده لغزكم كان تبغيه

قريت لغزك يا سفر طيب الساس

واشتقت له واللي جذبني معانيه

بنت تشيل الراس في غفوة نعاس

وغير المخده ما لها حل ياهيه

الصفحة اللي تحتوي غالي الالماس

شعر ومثل واللغز تغرب معانيه

يبقى غلاها ثابت ما له قياس

وكم واحد (مخدته) قبضة يديه

الحل وساده ما بها شك ياناس

الراس عند النوم فوقه تواسيه

لا نام راح اللي يغثه من الباس

ولا قام عادت له هواجيس توذيه

البارحة ما هملج الطرف بنعاس

عزى لمن مثلي كثير طواريه

لو المخده فاخرة حشو والباس

النوم عن عيني همومي تقريه

أهلا وسهلا عد ما هب نسناس

باللي نشر للغز واللي مسويه

واللغز حله يا سفر مابه الباس

وسادة راسك عليها توطيه

بنت بدت لك يا سفر ما لها أجناس

كم واحد معها حلومه توديه

يفرح بها من غالبه بالدجى نعاس

وأمسى على النومه يردد مناويه

اهلا هلا بك عد ما هب نسناس

واللغز واضح يا سفر من مواريه

يا صاحبي وان صار راسك به نعاس

رح (للوسادة) وانسدح لا تعنيه

لغز قريته كاتبه طيب الساس

وعرفت حله واتضح لي خوافيه

وحله وسادة ما بها روح واحساس

يلفي عليها من لفا النوم عينيه

علي (المخده) ما تهنيت بنعاس

أسباب من يسري على القلب طاريه

غاب وتركني بين طاري وهوجاس

يا الله عسى من غاب يرجع لاهاليه

كزيت فكري في سما البعد عساس

يحدا الامل,, والشوق باسمه يناديه

يا الله عساه يدق لي صلف الاجراس

قبل (المخده) في دجى الليل تدعيه

هلا هلا حييت يا طيب الساس

عداد حرف اللغز بلسان راعيه

خالي الهموم (اوسادته) تطرد الباس

ومن زان نومه يا عسى الله يهنيه

حليت لغزك يا سفر وقت الادماس

يوم أشتهيت النوم جتني طواريه

هذي المخده يا سفر ترفع الراس

وفراش نوم بدونها ما لنا فيه

حليت لغزك بالمشاعر والاحساس

واعطيك حله يا سفر لو تخفيه

ترى الوساده كيس من ضمن الاكياس

واللي فقدها ما يحوشه يكفيه

ياللي كتبت اللغز بشعور واحساس

حله عرفته صح ماني بغاويه

هذي المخده تريح اللي به انعاس

واكتب جوابي للجزيرة انا أهديه

يا مل قلب كل ما ناموا الناس

قامت هواجيس الضماير تسريه

لازر قلبي يابو سلطان هوجاس

نوم الوسايد عيت العين تبغيه

الحل عندي كاتبه وسط قرطاس

والا تليفون لحلي يوديه

ترى (الوسايد) يا سفر ما بها باس

كانك تبي نوم لجسمك يهنيه

يا مرحبا حييت يا طيب الساس

واللغز ما تخفى عليه معانيه

وراع الوساده ماجنى غير الافلاس

ان كان كبرها وقلن مساعيه

عرفت لغزك دون شك وهوجاس

ساعة قريته ما خفتني معانيه

هذي المخده فضلها ما له قياس

من دونها والنوم ماحد يدانيه

سبحان من تسجد له الجن والناس

بامره يدر الضرع والزرع يحييه

والبنت معروفه مخده تحت راس

للنوم مخصوصه نجيبه ونشريه

يا مرحبا وعداد ما هب نسناس

باللي نشر لغزه مع اللي سعى فيه

اللغز تحتاجه الى صابك انعاس

مخدة حله وهذي مواريه

هلا هلا بك يا سفر طيب الساس

لغزك بسيط وبينات مواريه

عند المنام وساعة يصلب الراس

ودك (مخده) ثم,, ترقد تهديه

يا مرحبا بك يا سفر عد الاطعاس

واهل التراث الكل منهم نحييه

على (الوسادة) نومنا يرفع الباس

واللي يلخبط وقتنا ما ندانيه

اهلا هلا اعداد ما هب نسناس

واعداد سيل منحدر مع مجاريه

والحل واضح ما يبي زود هوجاس

هذي (الوسادة) كل راس تعليه

ياللي بدعت اللغز,, معناه حساس

والحر دايم شارة العلم تكفيه

ان كان يا مسفر دخل عينك نعاس

حط الوساده تحت راسك وترضيه

هلا هلا ما حرك الورد نسناس

تحت هدب مزن كما الليل ناشيه

سفر نشر لغز كما صافي الماس

على المخده صافيات معانيه

ياللي كتبت اللغز يا طيب الساس

راسك رفيع (وللمخده) توطيه

هاك الجواب الى بعثته بقرطاس

عبر الهواتف نرسله ما نعنيه