شيخنا ما تغالبنا عليه الدروب
هو سندنا على الشدة وحنا معاه
شيخ ان هز كفه هز صمع القلوب
وان تحرك تسير المشرقين لخطاه
وان تكلم حديثه منه الاريا تذوب
ردد الشرق الاقصى قبل الأدنى صداه
شيخنا يعر بي النبع رأيه عروب
موتوا بغيظكم ماتاصلون لمداه
اليا حدتنا الليالي واربكتنا الخطوب
قبل سيفه يفك المعضلات بعصاه
قل سعودي وتلقى بين كل الشعوب
قدرك اللي بناه الفهد واحكم بناه
قادة الزيف لو تصرخ تفجر عيوب
كذب الاعلام ما يستر جروح الحفاه
شفت صدام من كفه تطيح الذنوب
دمر الشعب وارداهم بسكة عماه
خارجي على شعب العراق محسوب
ما انبنى شعب والحكام زمرة جناه
ليه يا اعلامه الجاهل منافق كذوب
تكتب احلام والتاريخ يكتب وصاه
اي حكم يعيش الشعب فيه مغصوب
وشعب آخر يعيش بطيب مربا وجاه
وأي حكم على شعبه يجر الحروب
وشعب آخر تمهد له دروب الحياة
وحاكم ينحر لسلم وصوله شعوب
وشيخنا اللي تشرفنا مبادي وفاه
من يطاولك يا رمز الكرام مغلوب
انت تاريخ والتاريخ كل قراه
