ابتدي باسم الاله المستعاني
العظيم اللي له اخلصنا العباده
احمد المعبود في سر وعلاني
واحد من يشكره بالفضل زاده
بعد هذا داعي الكلمة دعاني
كلمة لاسباب داعيها افاده
يا منظمة العفو وش ها البياني
يا منظمة لها الاكذاب عادة
اسسوك المغرضين الهيبلاني
اهل الاهداف البعيدات المراده
كم قرينا كم سمعنا بالاذاني
مت غبن ياللي على الكذب اعتماده
ما علينا من فلان ومن فلاني
والدعايات الجديدة والمعاده
ما شحنا بالحكي كاني وماني
والحسود يموت ويطول سهاده
من زعل من رضي من صابه اجناني
حكمنا حكم الشريعة لا هواده
عندنا قانون رب المودماني
لا لقانون المقنن واجتهاده
حكم رب العدل واضح للعياني
به تعاملنا وعاملنا عباده
قالها اللي في بلاده ما يداني
وزن شعره بالوطن تجرح فؤاده
يا وطنا يا فريد بكل شاني
يالكيان اللي تميز بانفراده
قلعة الدين الحصينة يا كياني
دونك الغالي وفا يرخص نفاده
فيك بيت الله في اشرف مكاني
وفيك مسجد للنبي سن اعتياده
دين شعبك واحد ما فيه ثاني
ما بك اللي غير الاسلام اعتقاده
فيك الانسان يتمتع بالاماني
الامان بكل معناه ومفاده
نفسه وعرضه وماله في ضماني
ترقد اعيونه اذا جر الوساده
الانسان بعز وحقوقه تصاني
في بلاد قادها للعز قاده
اهل العوجا عريبين المجاني
سادة ما مثلهم بالكون ساده
الانسان بدارهم من حيث كاني
حر له كلمه ودور وله اراده
والله انه ما يذل ولا يهاني
وان غدا له حق بالشرع استعاده
يا بلادي يا مزايا يا معاني
يا مفاهيم التسامي والرياده
في هلك حب معه صدق وتفاني
حاسبين الموت من دونك شهاده
القيادة للرعية قلب حاني
والوفا طبع الرعية للقياده
يا بلادي حقق الله الاماني
السعودي جت على غاية مراده
قالها اللي بك هرج قاصي وداني
يا كبر حظ السعودي في بلاده
جملة ما جات عفوا باللساني
يكفي ان ادنى معانيها اشاده
يا ملاذ المستجير اللي يعاني
من كبير الضيم والهم ونكاده
فزعتك فيها بنكبات الزماني
مسح دمعة من يبكيه اضطهاده
يحفظ لله شجرة اطوال اليماني
في ذراها العز والنعمه زياده
الليال بظلها افراح وتهاني
كل ليل يمرنا انس وسعاده
