انشدك عن ورعٍ صغيرٍ محله

له موقف ما ياقفه كل رجال

يا زين وقفاته ويا زين دله

اغلى من الغالي على كل الاحوال

يا الله يا اللي كل ضايع تدله

انك تنجينا عن الدرب لامال

واللغز يا شافي تسمع لحله

هذا صبي العين يا طيب الفال

لغزك يا شافي فيه منهو يحله

حله صبي العين يا طيب الفال

الحل ما كل بعرفه يدله

الحل يبغي له من الناس عقال

البارحة ما جاني النوم لله

يحرم علي ولا طرالي على البال

وصبي عيني ساهر الليل كله

ذكرتنا يوم البعث يوم الاهوال

ياناشرين اللغز عرفت حله

ورع صغير ما يعوض بالاموال

حله صبي العين يا فاطن له

الله يفكه من صواديف الاحوال

احرص على الالغاز دقة وجلة

ياما حلا الالغاز مع سيحة البال

واحفظ صبي العين عن كل خلة

حيثه هو الغالي على كل الاحوال

شافي كتب لغز علينا نحله

لغز ثمين ما لقينا له امثال

هذا صبي العين ماحد يمله

صح الصحيح وكلمة الحق تنقال

اللغز مثل الوصف للي يدله

ابحث لما تلقاه باطيب الفال

احد يصيب الحل واحدٍ يزله

تراه نون العين لو قال من قال

رمعت انا للغز وارسلت حله

للصفحة اللي حققت كل الآمال

ياشافي الاعجاز دقه وجله

في خلق نون العين يا طيب الفال

ياللي كتبت اللغز نعطيك حله

بعطيك من وقتي ولو عندي اشعال

يبقى صبي العين داخل محله

هذا الجواب وكلمة الصح تنقال

لغز ابن راجس رائع النص كله

وحله خطر ساعة قريته على البال

صبي عين ام الرموش المظلة

له قيمة ما تنقدر بلا موال

القرعة اللي زادت الطين بله

ما بين بيبان الاماني والا مال

فوق النظير الجفن مثل المظله

ولا الجزاء يحسب على قدر الاعمال

اهلاً هلا عد النجوم المظلة

باللغز واللي ينشره طيب الفال

الله يديم الشوف وربك توله

هذا صبي العين اغلى من المال

عد السحاب وعد خير يهله

يامرحبا وعداد ما وادي سال

ياللي كتبت اللغز نعطيك حله

هذا صبي العين يا طيب الفال

جانا مطر والآخر اقبل يعله

والقاع عقب الخير مدهل ومنزال

يا ما حلا شوف الرياض المظلة

اصبح بروضة وآخر اليوم رحال

اللغز لا من صار وارد نحله

ماهوب مدح لكن الحق ينقال

وانا عجبني لغز شافي وقل له

هذا صبي العين يا طيب الفال

شافي كتب لغز يبينا نحله

وكثرت حلوله صار له كم مدخال

من قال نون العين فهو وصل له

وغيره كثير حلول تطري على البال

قريت غر مثل روس الاهله

نوايف فيها اطرق الوزن يختال

حلن وراي سود الرموش المضله

حطن صبي العين ممسي ومقيال

تستاهل التقدير والود كله

ياللي من اسمى الشعر تازن وتكتال

لك منهل بالشعر محد يمله

عود بنون العين له دوم منزال