هبوب الريح هبيبه وهبي ياهبوب النود

وهلي يامقاديم السحاب وغرقي كمه

يضيق الصدر بالكون الفسيح ليا طرأ ياسعود

واسري مع هجوس في ظلام الليل ملتمه

واحسب لنجوم اللي بجوك والعباد ارقود

ولايقضبني المجلس واعاف الناس واللمه

أحبه إيه أحبه هو مناية من جميع الخود

ويزيدالجرح جرح إن ذعذع النسناس من يمه

أعرف إن الفرح لحظة وأعرف أن الزمن محدود

وأعرف إن الغلا والحب شين الوقت ما طمه

وأعرف أن الهوى نظرة وتفتل بالرجول قيود

وأعرف إن السعادة وصل خلي كان هوتمه

ولا اسمع هجرة العاذل ولا اسمع هرجة المقرود

حشى ما اسمع بخلي من هل الكذبات والنمه

ولاياسعود قل له مايحصل من عذابي فود

مكانه وسط قلبي والحشا والحال قد سمه

تقول اصبر وباصبر ياعسى الله يرجع المفقود

لو أن الصبر نارٍ بالضمير ومحرق دمة