أنشدك عن رجل جنوبه دقاقه

عايش وسط سبع خوات ورجال

دايم معاهم له معاهم علاقه

لولاه ما عاشوا بحل وترحال

لغز الغرابي من قرا عنه شاقه

لو كان غامض على اللغز مدخال

لو كان غامض ما يكيد الرفاقه

سلك النقود الحل لا تشغل البال

أهدي سلام شامل للرفاقه

واللي بنى لغز على طول ينشال

سلك الذهب ظاهر صغير نطاقه

في داخل العملة ولا يمكن ايزال

اللغز يا محمد عرفنا مذاقه

ولولا الرجل ما ينفع المال عمال

سلك الذهب ماجود داخل عماقه

وبدون هذا السلك مليون بريال

يا مرحبا ياهل الوفاء والصداقة

وتراث الجزيرة للشعاعير مدهال

الصفر يا محمد واضح بالبطاقه

هذي لجابه واضحة بدون جوال

أرسلت من ورد الرياحين باقه

عبر جهاز الفاكس مع نص الامثال

للي قرا الصفحة يزيد اشتياقه

واللي نشر للغز ياتيه حلال

اللغز يا محمد عرفنا مساقه

سلك الذهب دقق وتلقاه بريال

الرجل يا محمد قوي العلاقه

مع الرجال اللي يحوشون الأموال

سلك الدراهم للدراهم لياقه

تحسب ورق لولاه يا طيب الفال

يا ماحلا نور يزيد انشلاقه

وسط التراث ولا يثمن بالاموال

واللغز عندي قبضته وانطلاقه

سلك ضعيف وغالي داخل ريال

مني تحية للجزيرة صداقه

تحية عداد مهل همال

للغزك يا ابو معتق رفيع مساقه

لغزك تراه اسلك في داخل ريال

حنا عقدنا مع الجزيرة صداقه

نوفي لها ماهمنا قول من قال

واخص صفحة للتراث ومذاقه

فيها جمال الشعر واللغز وامثال

وتبقى الصداقة بيننا والعلاقه

مثل وجود السلك في داخل ريال

علي حلول اللغز مفتوح طاقه

واللي يعرف الحل يرسل بمرسال

سلك النقود اللي رهيف ورقاقه

تراه حل اللغز في كل الاحوال

الفكر بالقرطاس زان اندفاقه

ينقض جميع الغاز من كان فتال

واللغز محبوك ولي فيه طاقه

والحل ياهل الحل خط على ريال

الله على الرجال عز ولباقه

راكد ولا هو كل يوم بمنزال

ويا صاح لغزك دوك حالة رقاقه

سلك تعذب وسط خمسين وريال

قول تجلى فيه ذوق وطلاقه

يا عنك ذكره لابدا يشرح البال

بين الجميل وبين حسن الوفاقه

يكفيه منا قولة السلك والمال

اتراثنا بيني وبينه صداقه

الشاهد الحاضر على ماض الاجيال

أحرص عليه وشوفتي له شفاقه

لو كان شفت (السلك) في داخل اريال

الشرهة اللي في عتبها لباقه

يالمغربي عيت تريض بمنزال

من قسمة الصفحه كفتها الذواقه

وصارت كما سلك نزل داخل ريال

أقولها في كل صدق وطلاقه

اللغز يالغرابي عرفناه بالحال

والحل (سلك) له غرام وصداقه

باوراق عملتنا وذا مابه جدال

سلام أحلى من المطر باندفاقه

ياللي كتبت اللغز والصدق ينقال

لغزك جميل ومن قرا اللغز شاقه

والحل (سلك) عاش بأوراق الاموال

قريت لغز من ربوع ورفاقه

نظم الغرابي واضح مابه اشكال

السلك بالعملات حب وعلاقه

واللي بدونه ما لها اقيام وافعال

يا محمد الدينا غريب مذاقه

مره صفا,, ومره تحدك على الجال

(وسلك الريال) ابو جنوب دقاقه

يفك أزمات عسيرات وثقال