يا ابوفهد تعجز جميع القصايد
عن تغطية فعلك وشعرك وجودك
حيثك لبست المفاخر قلايد
ونفسك على فعل المكارم تقودك
بقلوبنا حبك تمكن وسايد
منا الوفا لك يا موفي وعودك
طودٍ تذري هيبة بالشدايد
الله لا يعدم علينا وجودك
ستر العفايف مرضعات الولايد
الشاهد الله والمواقف شهودك
وعزمك يقص المرهفات الحدايد
وكل الأمور الكايده ما تكودك
جودك بحر غطى جميع الوهايد
الحلم عيبك والشهامة وقودك
وانت الأصيل اللي للامجاد رايد
يابوفهد فوق الثريا صعودك
وشعرٍ تزين به صدور الجرايد
من طيب تفكيرك وروعة جهودك
قصايد مثل الجواهر فرايد
ويموت غيظ الياقراها حسودك
