ياسيد الازمات في كل الاوقات
بالعلم والحكمه وحسن الإداره
يامفكك انشاب المشاكل ليا جات
ومن غير نايف نكتفي في قراره
ولو واجهت غيرك تنكد ولا بات
يحتاج لجنه تدعمه واستشاره
بس انت ميزك الكريم بمهارات
يا امير ياسامي بروح الاماره
دايم قرارك يعتلي فوق الاصوات
ويحطم اصوات الشغب والاثاره
ويحفظ لك التاريخ عدة قرارات
دروس للي يدرسون الاداره
تترك على جبين الاحداث بصمات
وتحل مشكلة المشاكل باشاره
ولاهو غريب تحلها بالاشارات
ما دمت امير ومولع بالصقاره
يا امير ياللي كل سيرتك حسنات
واسمك لجزلات الفعايل مناره
عادل كريم وشهم صاحب مروّات
تحل كل المعضلات بجساره
سليل عنوان الشرف والبطولات
عبدالعزيز الله يطيّب قراره
نايف ودربك فيه نور وعلامات
تنير للي له بصيره مساره
ولك يالكريم ازكى سلام وتحيات
من شاعر غنا بها باختياره
حيث ان شخصك سيدي وانت بالذات
يلهمني اصوغ القصيد بمهاره
