نال الوسام بخدمة الدين سلمان
وسجل له التاريخ فخر العروبة
ماهي غريبه يا سلايل كحيلان
يا نصرة اللي بالشدايد لجوا به
البوسنه تشهد لكم طير حوران
يوم اليتاما شوفكم عيدوابه
بالمجد لك صوله وبالطيب لك شأن
وفعلك على بيض الصحايف قروا به
ماينبني قول على غير برهان
أبو فهد كل الخلايق دروا به
من هو بصير العرف وأقول سلمان
اللي ليا زار الدول رحبوا به
ومن هو حكيم الرأي وأقول سلمان
ليا عمست الأشرار رايه مشوا به
ومن هو شبيه السيف وأقول سلمان
ليا ضاقت الحيلات ثم اعتزوا به
ومن هو سليل العرب وأقول سلمان
ليا حل بالدار المجاور عقوبه
يعجز لساني عن تواصيف سلمان
وابيات شعري ما توفي بنوبه
ياسيدي تاريخكم بالفخر بان
يشدي لنجم الجدي يوم اقتدوا به
تبختري يانجد في ظل سلمان
ريف عليك ولفحته لك عذوبه
سمعة وطنا عاليه فوق الأوطان
اخوان نوره للفضاء حلقو به
ناجي بن عساف بن محيا
