كذا ما نكسر الحاجز.. كذا يصبح جفا وافراق

كذا ما نلتقي دام الزمن طعنا مواويله

لك الله دام قلبك ما يحن ويحفظ الميثاق

لك الله يوم تتركني اسير اليوم والليلة

حبيب الروح من غيرك يسلي خاطري لاضاق

وكفاني كلما جاني من الحظ وغرابيله

كفاني حرقة غيابك كفاني لوعه المشتاق

كفاني هم بقلبي عجزت اليوم لا اشيله

حبيبي والعمر يمضي وتتساقط معاه ارواق

وتدري ان العمر من جروح البعد وشهي له

كثر ما قلت احبك يا وحيد الروح والخفاق

كثر ما زارني طيفك وانا من همي اشكي له

ابيك تعود مثل اول حبيب تنثر الاشواق

ترى طول الغياب يهد كل الحال والحيله

حبيبي داخل القلب المعذب جرح ما ينطاق

عليك اليوم يا ويله ومنك اليوم يا ويله