خبروني عن فتاة بيننا ما هي مقيمه

شارده والها مع الايام حلٍ وارتحالي

دايم تاتي عقب بنت لها فضل وحشيمه

اكلها جايز.. ولكن بيعها ما هو حلالي

اليمين اللي كتبت اللغز بامر الله سليمه

والجزيرة عزها الله تحفظ تراث الرجالي

الفتاة هي الضحية وان قيمتها عظيمة

عقب يوم الوقفه اللي لجلها شد الرحالي

يا بريدي لا توقف هاك مرسالي حشيمه

بلغ الشاعر سلامي واهد له ورد زها لي

واذا حج البيت قل له للهدي ياخذ سليمه

ياخذه لو زاد سعره ياخذه لو كان غالي

الجزيرة لغزها مليان وبيوته سليمه

ودي اشارك بحله يوم جابوا له مجالي

يا فهد نحر «الضحية» يا فهد سنة عظيمة

اخذ حل اللغز واضح دون شك ولا جدالي

شارده مما تشوف من الرجاجيل الكريمة

الكرام اللي تهلي بالضيوف وكل غالي

الضحية والوقوف بعرفه سنة عظيمة

عشر ذي الحجة فضيلة مثلها العشر التوالي

مرسلين الحل يمك في بيوت مستقيمة

دوك حله بالجزيرة يوم انا حله طرالي

لا تهاون بالضحية دور الشاة السليمة

والضحية يا صديقي ما تباع بكل حالي

نحمد الله بالبداية والتحية مستديمة

للتراث وللجماعة كل ما حل المجالي

من يريد الخير ينقا من ضحاياه السليمة

في نهار العيد والا في ثلاث له توالي

يا فهد لغزك عرفته بالبيوت المستقيمة

والاجابة خوذها من بعد ما اعلنت السؤالي

وحكمة الألغاز يالجروان بعقول سليمة

اضحية والاضحية سنة وسنتنا عدالي

الفتاة اللي نشد عنها معد اللغز اقول انها بهيمة

الضحية هي جواب اللغز يا راعي السوالي

سنة تلزم على المسلم فوائدها عظيمة

في نهار الحشر يوم وصفه يفوق الخيالي

الضحية يا فهد في ديننا قدر وقيمة

من وجد له قدرة ضحى لنفسه والعيالي

من كرم ربي علينا يوم سخر هالبهيمة

ما ينال الله منها الا التقوى وامتثالي

مرحبا بالشاعر اللي نيته دايم سليمه

يوم بتراث الجزيرة جاب له لغز خيالي

يا فهد ترى «الضحية» من شعايرنا العظيمة

نطلب الله يوم نسفك دمها خير النوالي

مرحبا ترحيب صادق نيتي نيه سليمه

بالرجال اللي تحط البن في وسط الدلالي

كان ظني ما يخيب الحل للبنت الوسيمة

الاضاحي حلها ما فيه شك ولا جدالي

لغز بن جروان شفته له معانيه العظيمة

حجة الاسلام ركن وثابتة مابه جدالي

والضحية هاتها وشروطها تاتي سليمة

واشتر الغالي ترى اللي تذكره بالحيل غالي

لغز ابن جروان له بالشعر ماجوب وقيمه

مفردات كنهن صوغ الذهب والطرق حالي

كان حل اللغز حول العيد بايام الوليمه

الضحية هي فتاة الحل قبل ارسل مقالي

غردي فوق الغصون المايلة والمستقيمة

يا عصافير الفرح والمسك من عرق الغزالي

عشت ياكف الوفاء حصلتها حشمة وشيمة

يا صباح العيد والليلة تراها احلى الليالي

عطرها فواح والمزنة لها كفوف كريمة

والضحايا ثلثها نجدي وثلثين استرالي

يا فهد لغزك وصلنا في بيوت مستقيمة

وابشر ابحله نحله يا فهد يابن الرجالي

الفجر نعرف صلاته واجبه لله عظيمة

ما توخر لين تظهر شمسنا فوق العلالي

ابن جروان عسفها ثم قلدها الشكيمة

والحميدي ذبها من يمه الحد الشمالي

يا فتاة ذبحها بين الملا ماهو جريمة

الضحية هي مراسي العلم ما فيها جدالي

راكب اللي لا همزته يافهد تسمع رزيمه

سايقه ممتاز فكره ضايق والجو خالي

ما يهمه للشتا بالبرد مع عجه وغيمه

لازم بعيد «الضحية» يلتقي باغلى الغوالي

التميز بالجزيرة يا عسى ربي يديمه

هي جريدتنا الحبيبه قدرها بالقلب غالي

بعد هذا لغز ابو سلطان يقصد به بهيمه

تذبح بعيد «الضحية» ذا جوابي للسؤالي

يا فهد جتك الحلول اللي بتاخذها سليمه

مع تحياتي تصلكم واضحة يابن الرجالي

الضحية من يضحي ياجد خيور عظيمة

وانتبه لشروطها اللي وافيه واخذ الجزالي

لغز وارد من فهد محكوم بالفاظ حكيمة

ومن وضوحه ما يبي له لانقاش ولا جدالي

وجبت من عندي جواب للسؤال بدون قيمة

يا محرر فالجريدة وصله راعي السؤالي

للفتاة شروط واهم الشروط انها سليمة

ما يصير بها عيوب اولا تصير من الهزالي

يابن جروان استلم حل صحيح وفيه قيمة

من فطين مره اللغز وتبين فالخيالي

والضحية بالوصايف لازم تاتي سليمة

ومن نوى يذبح ضحية يشتري خير الحلالي

مرحبا عد مالاح براق الحيا وانهل ديمه

وعد مانبت الورق بالغصن عقب السيل سالي

ولغز ابن جروان واضح للرجال اللي فهيمه

صوموا الوقفه وضحوا ياكريمين السبالي

مرحبا يالشاعر اللي جامع صدق وقيمة

يا هلابك ياعديم الجنس يا واف الخصالي

وحل لغزك يا عميل الخير من قرب بهيمة

في نهار العيد ساق ضحيته يبغى المعالي

الفتاة اللي ذكرته يا فهد راع العزيمة

الضحية والضحية بيعها ما هو حلالي

دايم تاتي عقب بنت لها فضل وقيمة

وقفة الحجاج فيها يغفر ذنوب جلالي

نسنس الغربى وذكر مولع الخافق نديمه

واعذاب القلب كانه ذعذعت ريح الشمالي

«الضحية» حل لغزك يا فهد تشمل بهيمة

خذ جواب كاتبينه مثل نقاد الريالي

الفتاة اللي ذكرتم يا فهد ما هي عديمه

ماشيه في وقتها والها طلوع ثم زوالي

من فعلها كاسب للخير والطرقه سليمه

الضحية سنها شفيعنا يرم السؤالي