سقوى سقاك من أول الوسم يا بير

يزي من الطيه الى حد مظماك

يزيك لو عنك اتقن المضاهير

اللي شرب هاف المعاليق من ماك

عديت راس اللي عنز راسه الطير

متمركي وأشوف ذولا وذولاك

الا واعذاب زويد من جيلنا التالين

مجاليد لاموتا ولاهمب حييني

ما أحب الخمام وكل غما نغمها شين

أحب النشاما والبنات المزاييني

والله لو عندي من أشوار أشوار

اني لا أخلي كل سن بسنه

من غر من جنة مرده على النار

وانما اغتنيت الفقر ما فيه منه

يا أحمد مقطفت الزماليق ما جوك

ما شفت ما عنيت هو ما أحد جاك

ما شفت من قرنه به المسك مدلوك

زول الى منك تمقلته أحياك

لاجتك تمشي كن بأقدامها شوك

تاطا مثاني ثوبها يوم تنصاك

فالى اسفهلة واستمالتك بضحوك

فقرب حفافيرك أو وص بضحاياك

يا مل قلب عذبه كثر الاطماع

يبي الطمع مير الطمع يخلف الطوع

والله لولا زرفلت شقح الاقطاع

وأقول أبا خذ لي مع البدو قرطوع

لا أسكن بدار لا أروع ولا أرتاع

لا هالك ضامي ولاميت جوع

ميرالبلا وان طاح بالصلب رماع

وشدوا له الجبلان مع طلعة الشوع)2(

تلقى لهم من عندأبا لقد مرماع

ما عبروا في عرفج الشق مقطوع

حزم غدى القليقلانه تمرياع

والرمث ينبت في مذاريه طالوع)3(

في مربع وان جاه راع الغنم ضاع

تلقى الجوازي خنس فيه وارتوع

وأحب هد الطير والطرش منداع

شرق عن المجذم)4( شمال عن الكوع)5(

فالي حصل صفت الحباري مع القاع

والله ما أغبط اللي يصوع الذهب صوع

يا مل قلب دبيب الهم يرعابه

الجسم ينحل ولا من صاحب ياوي

لو أن ما بي يصيب طويق وهضابه

كان أصبح الضلع هو والحزم متساوي

ولو أن ما بي يصيب الخشوم حطابه

كان أصبحت عثعث يرعابه الشاوي

وأيضا له من قصيدة طويلة:

يا خليفة هلي فرقاك ما أبيها

لا تغلى عليه يا بعد روحي

كل يوم عليك الرجل محفيها

من عما الراي لا تسمع ولا توحي

دوك عيني من الذرنوح أداويها

ذارف دمعها والقلب مجروحي

يا شبيه الغزيل في تمدريها

أتصبر وحبك جاحني جوحي

عندك الروح يرهنها وتديها

من سامح لك وعنك الحق مطروحي

ان بغيت الصداقة فأنت راعيها

وان بغيت القوامة فأنت مسموحي

رح ونفسي على الشيمة مضريها

يعترض له عن المقفين ساموحي

نبي نسير طلعة الشمس لعقيل

على سعد والا نصينا السناني

اللي يحطون أشقر البن والهيل

وتلقى الرغيف أمقلط بالصياني

اللي يفوجون الفيافي على الحيل

كم ديرة فاجو عسيره وهاني