متى يجي عقب الحروره برادي
والجو يبرد عقب واهج لهوبه
باول شهر سبعة وبآخر جمادي
حزة دخول الرسم يوم هرجوابه
وقالوا على فيحان مزن وكادي
مع غيبة البيضا تلاعج نصوبه
وراع الولع عاف الكرى والقعادي
مثل الهريف اللي تلغف جنوبه
هذا هوى بالي وغاية مرادي
ليا شفت درب السيل خضر دعوبه
وأبو فهد قام بجهازه ينادي
قراش هد طيار مير احرصوابه
وقلنا جهازه فيه ما هوبغادي
ياسرع ما صوت حدينا ابشروا به
وزين المضحى عقب ونسه هدادي
في حاجر توه تزين بثوبه
ريحة نباته لون ريح الزبادي
ومخالط ريحه نباته رطوبه
بأرض خلا ما شيف فيها بوادي
من داج فيها ما يقول معروبه
ماغير آثار البرق فيها جدادي
وصلن عقب سج السرى والصعوبه
