|
| ملحق الميدان
مجول: علوم السعد؟
جوال: يقولون الأشواط زادوها؟
مجول: أجل الجوائز رفعوها؟
جوال: قسموها وفي رجا خير؟
مجول: وش علوم الترشيحات؟
جوال: يقولون الربع الكأس بين اسطبلين؟
مجول: هاذي ما تحتاج لعرف، ، بس الحصان اللي بيعلم على خط النهاية جابوه؟
جوال: على خبرك «تنقو» من ثلاثة روس الى أربعة؟
مجول: وش المميز في سباق الكأس عصر اليوم؟
جوال: الفوز بفوزين؟
مجول: وشلون يابو الأجوال؟
جوال: اللي بيخط ذراعه على خط النهاية من الجياد المشاركة في الشوط الرئيسي تذكر ان أبوانهم مثل الأدهم وشقران وعزالخيل ورزق الله ما قد فاز لها عيال في الكؤوس الكبرى،
مجول: يا فطنك يا جوال؟
جوال: لا، ولا تنسى ان هالكأس الغالية هي آخر البطولات على ميدان الملز التاريخي،
مجول: يقولون فيه مناورة تخسير في احد الاشواط؟
جوال: الأول ولا السابع؟
مجول: بين الثنين؟
جوال: ماهي بلحية تخسير اليوم يا مجول،
مجول: وآخر العلوم؟
جوال: يقولون أصفهان خطبت؟
مجول: عقب مركاضها الأخير ورقمها الخطير ما عنها وعن المليون؟
جوال: تستاهل بس راعيها ما ينوجد،
مجول: عقب ونسة اصفهان يمكن نشوفه بالدربيل؟،
مع تحيات جوال ومجول
|
|
|
|
|
