يا سعود حال الشعب ماعنه منشود
والله يكافينا شرور الشياطين
حنا بخير ونعمة الله في زود
وبعض الدول يا سعود لايعهم البين
بعض الدول ياسعود ما كلهم الدود
وحنا من النعمة نعيش البعارين
وبعض الدول ياسعود طارد ومطرود
يا سعود صاير حيلهم بينهم بين
ما تسمع إلا صوت مدفع وبارود
ولاعاد ينظر للقيم والقوانين
وحنا بحمد الله بسهود ومهود
في نعمةٍ حسادنا بالملايين
ننعم بامانٍ فالوطن ماله حدود
ويزيد راحتنا سماع المواذين
الله يحفظ الدار من كل مقرود
ويعزها بوجود روس السلاطين
أخوان نورة ملتجى كل مضهود
هاك الأسود مرجحين الموازين
والنعمة اللي تجهل الناس يا سعود
أكبر نعم ربي ترى نعمة الدين
