انا شفت البنات اللي دخل ببطونهن رجال

جمعهن كلهن في حكمته.. لكن يشيلنه

يدورن كلهن والرجل قاضبهن ضعيف الحال

والى منه ترادى وانتهى راحن وخلنه

ترى الاشواق ما زالت تزيد بحملها اثقال

يا بن غزي ليال البعد والله ما يزيلنه

وعلى فطنه ترى عندي صديقاً مضرب الامثال

اذا انه شاهد «السبحة» ايدياته يحكنه

دفعني شوقي اشارك بعد غيبة سنة يا رجال

احاسيسي جفا صفحة تراث الطيب ملنة

ابشارك شواعير يجيبون البيوت جزال

ما دام الفكر (للسبحة) بيوت اللغز دلنه

ألا يا راعي «الزلفي» تراني للعقد حلال

والى لفيت لك معنى، هواجيسي يفلنه

قروا لغزك علي وجاك حله والم فالحال

و «مسباحي» معي حاضر، يديني ما يملنه

يازين « السّبحة» اللي في يدين الناقض الفتّال

ومهما جاه من لغزٍ هواجيسه يحلّنّه

وانا الناقض وانا الفاتل وانا اللي ما العب الموّال

هواجيسي لفن بالحل ما خابن وزلّنّه

هلا يا محمد الغزي هلا يا الناقض الفتال

مع الافكار لغزك سار والافكار حلنه

تفضل جاك حل اللغز سجل حلنا بالحال

خرز والخيط بالمسباح للشاعر يسلنه

على الزلفي من المنشأ حقوق صادق همال

بني عم وخلان وربع تحيي السنه

وعلى حل اللغز بعطيك رد جاهر في الحال

ترى السبحة جواباً له وحلي واثق منه

جهود محمد الغزي على وضح النقا تنقال

بعث لغز بيوت الشعر حللهن وحلنه

انا اقول ان السبحة وجاك العلم يا رجال

يقولون الخرز وهي الخرز يوم الخرز منه

هلا.. يا مرحبا.. واهلين يالغزي وكيف الحال

هلا يا شاعر الابداع.. والتجديد من فنه

وجدنا حل لغزك يا محمد ما عليه اشكال

خرز سبحة.. وسلك.. وغير يالشاعر فالا اظنه

الا يا محمد اسمع حل لغزك يا عزيز الخال

ابا ارسل لك حلول اللغز عن رمزه وعن فنه

هذاك السلك بالمسباح لا يكثر عليه جدال

ويضعف سلكهن لاقامن الزينات يبرنه

الا يا مرحبا يا شاعر شهم كريم الفال

يسطر بالجزيرة دائما الغازه وفنه

بمسباحك تفكر يا رفيقي يحلها الحلال

ومسباحك الى منه انقطع فر الخرز منه

انا برسل تحيات وسلامي داخل المرسال

ابرسل لك جوابي فيه حلي واثقٍ منه

ترى المسباح لامنك برمته ينقطع بالحال

فلا تبرمه يضعف ثم خواته يذهبن عنه

انا اللي مشتري مسباح من هم وضيقة بال

شريته من حلالي من هاجوسي ما لاحد منه

شريته والخرز كامل ولوح به قفاي قبال

لكن أوميت به لين انقطع سلك نظمهنه

تحياتي وتقديري عدد ماهل وبل خيال

واقول اللغز «يالغزي» عسى والدك بالجنة

هذاك السلك والسبحة سلمت وطال عمرك طال

وسلم بالناس من دايم مجال المعرفة فنه

هلا بمحمد الغزي عدد وبل سرى همال

يجيد القاف والمعنى حروفه ما يخذلنه

الى خفت الخرز ينهل حط لسبحتك سلسال

ردي الخيط يا محمد حذاري لا يضمنه

على صفحة تراث ابلادنا نقرا علوم ارجال

شعر والغاز مختاره وقاريهن يسلنه

يحررها الحميدي بالشعر مع سيرة الابطال

ينظمها كما نظم «الخرز في خيط سبحه» عالياً فنه

سلام الله عليكم يا محمد يا عريب الخال

قريت اللغز بالصفحة بنات الفكر حلنه

وكاد الحل مضبوط ولا غيره نجيب اقوال

(خرز) مصفوف بالسبحة وكل (الخيط) يملنه

هلا يا مرحبا باللي علومه يشرحن البال

يطيعنه صعيبات القوافي كيف يعصنه

وحل اللغز ياهل المعرفة ماضن فيه اجدال

اكيد المسبحة لو كل رجال على ظنه

حييت يالغزي ولا شان لك فال

يا شاعر هيض هجوسي بفنه

المسبحة ذي مابها شك وجدال

أكيد هذا الحل ما هوب اظنه

هلا في صفحتن تجمع رجال الطيب والافعال

محررها الحميدي شاعر فيها ظهر فنه

لكن اللغز حله مسبحة فيها يروح المال

خرز منظوم له في سلك وعيونك يشوفنه

الا يا اللي نشدت اخذ الخبر في صفحة للابطال

يجيك الحل واضح ما دخل به يا ولدلنه

لكن الحل سبحة يا وسيع المعرفة تنشال

هذاه الحل واضح للذي قام او نشد عنه

هلا بالصفحة اللي للوفا والمرجلة مدهال

بها الشاعر يشوف ابيات وعلوم يسلنه

الا يا شاعر الزلفي طلع للمشكلة حلال

لقينا الخيط بالسبحة خرزها ما يملنه

هلا يا مرحبا بك عد ما يبدي قمر وهلال

تراحيباً ترددها على اهل الفرض والسنة

تقوله يا محمد والجمل في حكمه الجمال

ومسباحك يدينك ما توى لا تشيلنه

اشوف محمد الغزي مع اهل الطيب له منزال

حكيم ويحكم القيفان دايم ما يكودنه

ترى المسباح دايم في يد الشاعر على ما قال

ليامنه خذا المسباح جاب الفن من فنه

من وشيقر سلام مرسله لاهل الوفاء بالحال

وعلى الغزي تحياتي مع التقدير يصلنه

خرز سبحة ولا غيره بخيط يا وسيع البال

وترى راعي الهوى بالملعبة دايم يسلنه

أبو عبدالكريم اللي مع الالغاز صال وجال

كتب لغز جميل مبدع في نظمه وفنه

ترى المسباح هو حله ترى خيطه هو الرجال

ولا منه انقطع شفت الخرز يتبعثرن منه

هلا يا مرحبا عداد برق بارق بخيال

برق برقه شمال الدار وعيوني يخيلنه

ترى السلك النحيل ليا نظمته في الخرز شيال

سباح في اليدين اللي يودنه يجيبنه