وجودي على بيت الشعر عقب بيت الطين

وجودي على شوف المغاتير منتشره

وجودي على خوة هل الموتر المقفين

وجودي على شوف السهل من ورى الحره

الى حلو البدوان وصاروا على بيتين

ومن كان له خل معا ذاك ماغره

حن قلبي حن ماك على سمر العجل

عشق السواق والدرب ممسوك وراه

ان عطا مع طلعة عشقوا له بالدبل

وان تسهل ريحه لين ياصل منتهاه

ما بشفي لا دريول ولا ريس عمل

شفي اللي كل ما شاف براق رعاه

قاطنين فوق عد على جاله عبل

طيب للبل وراعيه ما يقطع ضماه

ونتي ونة خلوج ولدها ما جدل

تشرف المرقاب للذود وتعود وراه

حن قلبي حنه الماك يابن عقير

متى ما عطا تغريز ودريوله قصاه

عطاه الثنيه ورك في نقضته للقير

ثم صكه بواحد لين زاع الاديرماه

انا من قلبي حن ماك مع الطلعات

ليا عشقه بالعايدي والدبل جره

جرمه ثقيل وحملوا فوقه البيبات

ويدعس عليه ابنزينه ولا سره

ان دمع عيني بالدقائق والساعات

ولا هي على فرقا المحبين مستره

هواجيس قلب كل ما اقول راحت جات

تعود على اليوم خمسة عشر مره

يا جماعة وان عزمتوا على انكو راحلين

غمغموني عن مضاهيركم لا اشوفها

كن في قلبي سنا ضو ربع نازلين

أشعلوها بالخلاء والهبوب تلوفها

عيدوا بي بالخلا والفريق امعيدين

كل عذرا نقشت بالخضاب اكفوفها

ما يقرب دارهم كود صنع الذاهبين

كود حمرا عزمها من صفاة ابلوفها

كن حنين الويل يشبه لخلفات القطين

لينوا له بالقدم مع طمان اجروفها