إذا كان الغلا كلمة ترددها على لسانك
أنا عندي الغلا جمره إذا طروك تحرقني
حبيبي ليه تسقيني قساك ومر حرمانك
وأنا اللي دمعة عيوني سقيتك وأنت تظلمني
نسيت الناس والدنيا ونفسي بس منشانك
وجبت القلب بيديني وقلت القلب ذامني
عطيتك قلبي وقصدي أبين قدرك وشانك
أبد ما كنت أحسب إنك تدور ما يتعبني
رضيت بكل حالاتك سموم وبرد.. نسيانك
أبا ألقى للرضا عندك مكان أحس به.. فيني
أنا يا صاحبي جيتك .. فقير أدور إحسانك
أنا محتاج لك جيتك.. أبي منك.. تساعدني
تمنن سهر اعيوني.. وهد بقلبي أحزانك
وجر واقسى على كيفك.. عذابك لي مريحني
أنا أحبك وباحبك بموت ولا أهجر أوطانك
وإذا أنا مت يالغالي «وصيتي» بقلبك إدفني
