أنثى صغيرة والبساطة حياتي
أرسم خيال الروح من غير تفكير
لاحقد فيني والبراءة صفاتي
أنثى شجاعة همها كيف بتصير
اللبس على ستر الأنوثة عباتي
ومن الوفاء نلت الشهادة بتقدير
إخلاص طبعي كل همي صلاتي
ومشاعري تدعي للأجواد بالخير
بي ميزةٍ ما حصلنه خواتي
بخيالي اللي فوق دايم مع الطير
دايم حزينه ما يهمن مماتي
وهمٍّ على صدري رماني على البير
وين أنت ياللي غايبٍ كيف تاتي
بعيد عن عيني دروبك مشاوير
تفداك روحي ياحياتي وذاتي
ويفداك منهم بالمواقف مقاصير
واللي نساني ما تهمه نجاتي
مثلك ترى بالكون دايم بتحقير
أنثى وأنا بكتب لغيري وصاتي
الحلم يرقى والحقيقة محادير
أنثى ومن طيبي جروحي تباتي
مادام يطلع بالصعايب مسافير
وختامها ياللي قريتوا حياتي
دايم ترى طبعي على الطيب والخير
