الاوله والثانيه والثالثه من حقنا
والرابعه والخامسه والسادسه حنا لها
تنبت ملاعبنا صقور خضر تروي مجدنا
والعز بالله والسياده ماهي الا لاهلها
صلنا وجلنا وانتصرنا والتحدي عشقنا
لاشك في الاخضر ولا في المملكة ورجالها
الفهد قايدنا الحكيم اللي يحكم شرعنا
رجل السياسه والزعامه والمواقف كلها
وولي عهده ذخرنا واجب نقول ياعمنا
كم من يد عضّد لها كم من هموم زالها
والنايب الثاني حبيب الكل يسلم درعنا
بو خالد اللي لارتكى لحمول شعبه شالها
ويعيش سلطان الرياضه للمسيره والبنا
خليفة المرحوم فيصل سيرته مامثلها
قاد المسيره باهتمام وكل شي يهمنا
حقق لنا الشيء الكثير والكايده وقف لها
عز الله ياسلطان يا السلطان انك فخرنا
وانك سديد الرأي في كثر العلوم وقلها
والشاعر المحبوب والنايب عزيز عندنا
نواف تاج المعرفه ونصبه شيخ لها
الكلمه اللي من لسانه نعتبرها درسنا
والطيبه اللي في فؤاده كلنا نوصل لها
يستاهل التقدير من كل البلاد ومننا
نوافنا نبراسنا وقلوبنا يحتلها
هذي حقيقه واضحه ياللي تحاول ذمنا
حكامنا الشعب السعودي عايش في ظلها
محققين المجد والرفعه وحامين ارضنا
اهل الاصول اهل الاصاله والنشاما بأصلها
والله ثم والله مهما نجتهد في مدحنا
إنا فلا نوفيهم الحق الذي يوجب لها
ثم انصح العالم نصيحة في عجاله من هنا
هالمره جتنا بآسيا وصقورنا تنظر لها
بعد السياده لآسيا العالميه نصبنا
لابد من يوم يجي ونكون حنا ابطالها
