هيض عليه وأنا في رحلتي بين السماء والسحاب
فلي علاه العلم والسيف والنخلة علامتها
على الخطوط السعودية سريعات الندب والصواب
يا زينها في ظلام الليل يوم إدق اشاراتها
اليا اقلعت من مطار العاصمة باهل العقل والثياب
إمحملة بالرجال اللي تمثلها سفاراتها
وإن جات فوق المحيط الاطلسي راحت سوات العقاب
في حكم طيارها لين انها تقضي مهماتها
على الخطوط السعودية هلا فياب وإلا ذهاب
ترى الخطوط السعودية تمثلكم برحلاتها
أمن وسلامة بفضل اللي مشرفنا بحمل الكتاب
واجمل خدماتها للعالم تقدمها مطاراتها
مرحوم عبد العزيز اللي ما عاد الملك بالانتخاب
عاده بحدب السيوف اللي تقص الروس ضرباتها
وسلم سعود الأمانة واستلمها منه وله استجاب
يدري بنيات قوم تخلف الايام نياتها
ثم استلمها الملك فيصل وقاد الركب واحفا الركاب
في سكة قبله معزي طوى طايل مسافاتها
فيصل بناها ورسّاها كما ترسي رواسي الهضاب
مع الدول والامم فالمؤتمر وثق علاقاتها
ثم استلمها بعد فيصل رحل .. خالد عزيز الجناب
الحاكم اللي يدينه مثل وبل الغيث نفحاتها
ثم استلمها فهد واكمل مسيرتها بفن وحساب
زبن الدخيل وبيوت اللّه حمى بالسيف راياتها
العاهل اللي تخضع له من العام جميع الرقاب
قاد السفينة مع كل البحور وخاض غباتها
عشرين عام الوفاء والعز والامجاد والخط طاب
باللّه تحمي السعودية وتعمي عين شماتها
ولي عهد الفهد عبد اللّه اللي لن ورد ما يهاب
طيبة وهيبة وعين تعمي الاخصام لداتها
سلطان سلطان سلطان السعد سيف جويد النصاب
قايد جيوش البلاد اللي تسرّ العين قواتها
ما ني بناسيك يا نايف جزاك اللّه جزيل الثواب
اللّه يحماك من شر الليال وشر لوعاتها
يا معزبي يا ملاذي عند حزّات الأمور الصعاب
لولاك بعد اللّه أكلتني عقاربها وحياتها
وختامها نذكر اللّه عد ما لاحت بروق السحاب
والمصطفى مرشد الامة بحسنتها وسياتها
