يالله ياللي ما سجدنا لغيره

يا منقذ يوسف من الذيب والبير

يا خالق ابن آدم وعارف مصيره

يامدرج الافلاك يارازق الطير

تحفظ لنا حكام شبه الجزيره

الطيبين المخلصين المشاهير

عيال من وحّد وقاد المسيره

ونادى المنادي بدّل الشر بالخير

يادارنا دار العروبه والاسلام

فيها ومنها مصدر العدل مضمون

دستورها نهج النبي خير الانام

دينٍ ومر به ربنا خالق الكون

حكامنا آل سعود واوي حكام

على طريق العود الأول يسيرون

تجددت بالعز عامٍ بعد عام

على يدين اللي من النقص مصيون

وتسالموها سترها ضد الاخصام

عن الامور الكايده ما يصدون

من عهد ابو تركي إلى عهد جزام

الكل منهم في مزاياه مامون

واليوم في حكم الفهد حظكم قام

ياشعب.. يا دوله على ما تريدون

كلمة لبو فيصل تردد بالاعلام

يقول أنا في خدمة الشعب مرهون

رجل الشجاعه والسياسه لنا دام

درع الخليج اللي سلب كل مسنون

نظم القوافي ما يكلف عليه

لكن بغير مناسبه مالها سوق

ترخص.. ولو إن المعاني قويه

وتصير بين المجتمع مالها ذوق

ياكثر ما أسمع بين هاذي وذيه

ناسٍ تحرّفها على كل منطوق

من رافق الانذال يبشر بالافلاس

لانافعٍ ربعه ولا كاسبٍ فود

ومن رافق أهل الطيب ما يلحقه باس

لو المراجل مالها قيس وحدود

تزها الوسام اللي لبسته ويزهاك

موقفك يالضرغام ما هوب مشكوك

أبنا الوطن تفخر بشوفك وطرياك

من طيب فعلك يا احمر العين حبوك

من طيب فعلك من شكا الضيم ينصاك

ودليل قولي مشتكين العنا جوك

خطل اليمين اللي جزالٍ عطاياك

ملجا لمن حدّه زمانه على الشوك

ياللي كسبت الطيب من طيب مجناك

الأولين اللي بالامجاد مدوك

تعبوا يبون انجاب مثلك وشرواك

وعلى رياجيل المهمات سمّوك

يامير وافي.. يوم أعدد مزاياك

ما قول غير الله يحفظك ومبروك

الا واعذاب اللي برا حاله الفرقا

من البعد وفراق المحبين ملاعي

أساهر نجوم الليل واجاوب الورقا

ويطلع شعاع الصبح في مجلسي واعي

على اللي سرق حالي بسقم الغلا سرقا

ذبحني وقربه ما حصل زين لطباعي

ذبحني بسود لاطرق رمشهن طرقا

تفرقعت من شدة عذابي تفرقاعي

سهومه تزارقني على غفلتي زرقا

بنت بيتها في ضامري بين الاضلاعي

شكيت العذاب اللي درق ضامري درقا

هموم لها في داخل القلب ذعذاعي

ترى كان فالعشاق مجنون ومعرقا

أنا مستجن.. ومن يعالج لي أوجاعي

عاشوا ملوك بلادنا ذخر الإمام

حماة الوطن وحماة من يدخل حماه

لهم مواقف ترفع الراس

واجسام منها العدو ياكبر بلواه كبراه

دون الوطن.. دون العرب ضد الاخصام

والسلم والاسلام هم خيرة دعاه

بقيادة اللي ما تذرا بالأوهام

فهد صليب الراي ما تعمس أرياه

جزل العطا غيث الأرامل والايتام

في مده المعسر.. جزالٍ عطاياه

يالله ما خفى عنه خافي

ياغافر الزلات يا عالم الغيب

تجعل حمولي من ذنوبي خفافي

في يوم مالي عنه حيله وتجنيب