اسمع وصاتي يا عزيز وانا ابوك

دامك صغير وغاية العلم يقراك

تراها ما ينفعك خالك ولا اخوك

لاصار ما تقضي لزومك بيمناك

دنيا لهوم وتأخذ الناس هومه

كم فرقت من جمع ناسٍ عمومي

ياما نعم بأطرافه فرخ بومه

كثرة دنانيره وصار محشومي

ليا ضحك كلٍ ضحك في يومه

وليا كظم كل الجماعة كظومي

لاخير في رفقه بليا حبابه

ولاخير في جمعا القلوب المواجيع

رفيقك الطيب تحمل عتابه

واحلم عليه اليا دفعته دوافيع

شيع ثناه.. ولاتشيع عيابه

عاره يعورك يا بعيد المراميع

لاتحسبون الحياه أمن وسلام

مكرها ما يامنه كود الغشيم

عمروها بالصلاه.. وبالصيام

لو يطول العمر للاعمار تيم