رفيقك اللي بالعطايا يمانيك

انصه لقضيان الغرض قبل ينصاك

أما تجي منه الهدايا تباريك

والا يوقف عند حده ويجفاك

الطيب حيدٍ دون دربه تسانيد

من هامها بالهون لازم تضده

والقصر وان شيد على غير تجويد

تجيه صلفات الرياح وتهده

ومن لا يخاطر ما يحصل مقاصيد

ومن لا فعل ما غناه فعلٍ لجده

لو كل من قال المثايل عسفها

ما صار نقصٍ بالمعاني ولا زود

والبندق العوجا تجنب هدفها

اليا صار منظرها عن القطر مصدود

وغاية جميع الناس محدٍ عرفها

رضا جميع الناس ماهو بموجود

لا وهني اللي غنيٍ عن الناس

عن مدحت الطيب وذم الرخومي

هذا يرص اعروق كبده بمهراس

وهذا يعديه السماء والنجومي

وهذا يحطه مثل عنتر وجساس

وهذا عليه مفتحات الثلومي