يالله يامبدل دجا الليل بالنور
يا عالم «بالكون» مذري الذواري
انا اعرف ان العمر لو طال مقصور
وانته ولي الكون مجري الجواري
امس الضحى في عز والعصر مكسور
فقدت فالدنيا عضيد مباري
يالله يا مجازي هل الصبر بالحور
تغفر ذنوبه يوم كشف العواري
عيني تهل وداخل الصدر حاشور
نور «طفى» واصبحت وسط الغداري
اخوي وافي ما يخالفني الشور
هو عزوتي فالوقت والكل داري
يالله يامجري الفلك بامره يدور
وميسر جري السفن والصواري
يالله تجعلني من الهم ماجور
تجير عبدك من جميع الهذاري
رضيت بالمقسوم لو كان محرور
حكم على المخلوق ما هو اختياري
صلوا على المختار وابليس مثبور
واليا ذكرت الله تخف الطواري
