ما يليق الشعر إلا في وفاه
والوفاء من غير أبو فيصل جحود
الجميل اللي تجمل بالصلاه
الفطين اللي حفظ كل الحدود
الشحيح بعقد حجان الجباه
الأمين اللي قضاء كل العهود
الكريم بمدته مما عطاه
البخيل بقولته: لا ما أجود
الذليل بوقفته عند الإله
العزيز اللي ورث طيب الجدود
الشديد اليا لقى عالي رقاه
تطمن العليا لأشبال الأسود
الشجاع اللي نوى الحق ونصاه
ما يهاب إلا حدودك يا ودود
الرحيم اللي قضى الدين وبراه
كم رقابٍ فكها مما يجود
الجواد اليا ضماء أحدٍ سقاه
من قراح ومن زلال ومن عدود
كم غريقٍ ينتظر طوق النجاه
ما تركته لين لعياله يعود
كم عديمٍ يشكي الوقت وشكاه
ما ذخرت إحساس قلبك والنقود
الزهيد بدنيته ما في سواه
دام عزه دام عز آل السعود
