انظم قصيداً كتمته لين خلاني
عود غصونه من الكنه مخليته
عليه لحق الضماء وسهيل ما باني
ولونه تغير ونار القيض كاويته
واليوم من ما بقلبي هات يلساني
أبيات شعر رداء المعنى معاديته
خل القصيد يحكي عن كل ما كاني
وخل الضماير تبيح اللي مخفيته
يوماً زود المشاعر قام ينخاني
للشعر والشعر ناداني وناديته
قلت انتخاوى وقال ابشر وخاواني
وقال انتصافى وصافاني وصافيته
قال المعاني منك تصدق على شاني
وبيت القصيدة ما ينقص لا توليته
قلت الخرابه بيوت بدون بيباني
وبيت بلا باب صلف الريح ذاريته
وانا ترى واجبي شعري وقيفاني
من جد لاقت في واجبهن أديته
ابداه باحسان ثم أنهيه باحساني
وكل بما تفعله يمناه مرضيته
ما قوله الا من اقصى أعماق شرياني
لا هاج هاجوس قلبي ما تطريته
والقاف لو هو عسير ان شاقني لاني
منين ما ابغاه يمشي معي مشيته
وفي هلقصيدة ترى مبداي عنواني
أهدافها واضحة والشك ما حيته
