من يرد الهجوس اللي تحث الخطاوي
آه يا ويش سوّت في المحاني وخلّت
كل ما جيت بصبر قلت ما نيب قاوي
بس أجر العباري لا أقبلت واستهلّت
اتعبتني وجابت لي الشقى والهقاوي
جدّرت بالخفوق وسنّدت به وولّت
رجعتني سنين ماضيات خوالي
من قديمٍ توارت وانكفت واضملحت
آه يا ذيبي اللي بين الأضلاع عاوي
داعب الوقت الأغبر عين شوقه وهلّت
لي عيونٍ هدبها والدموع امتخاوي
اتعبتني عساها النوم ما قد تغلّت
الحياة الردية والممات امتساوي
في زمانٍ عيونه عمرها ما اسفهلت
وانت يا قلب قل لي ويش هالحين ناوي
لا أقبل اليوم مرسول الهجوس وتجلّت
لا تقول انتظرها وحث معها الخطاوي
وانت داري وخابر ويش سوت وخلّت
