رعاك الله يا درع الجزيرة سيفنا المسلول
وزير الداخلية عز شعبه راعي الهيبه
عليه اهدي تحيات الوفا من مهجتي وأقول
سلامٍ فاح ورده وانتشر بين العرب طيبه
أمير عزّه الباري عن أمن المملكة مسؤول
ولا يرتاح لين أمن الوطن تصفي مشاريبه
حكيمٍ كافح ارهاب العدا بمهندٍ مصقول
مجرّب بالمواقف سيدي فعله نماريبه
وجماعاتٍ تكفر كل مسلم فكرهم مشلول
تبنى فعلهم شيطانهم واصبح يغنيبه
سبايب جهلهم كم مسلمٍ مؤمن قضى مقتول
فقد عمره بري غافلٍ حلت به مصيبه
ولا به صادق مخلص يقول ان العمل معقول
خراب وهدم في وسط ارضنا شرٍ عوى ذيبه
وللذمي ترى حق الأمان بديننا مكفول
مدام أنه معاهد شرعنا يوفي مواجيبه
وشبابٍ غرّهم فكرٍ مضلل ضايع مجهول
تستر بالجهاد ويمتلي بالشك والريبه
متى يرجع لهم عقلٍ رشيد وثابت مقبول
على الإسلام منهاجٍ صحيح بحق يمشيبه
وحماك الله يا دارٍ رباك الهادي المرسول
وأخير ابقاع ربي في جنابك مكة وطيبه
