يا دارنا حبك بالأعماق محفور
يشهد عليه الله لو ما نطقنا
يا دارنا حنا على حدك السور
دونك نبيع أرواحنا ما زهقنا
دستورك القرآن نور على نور
اللي به الله عن سوانا فرقنا
يا دار لا يشغلك حاسد ومقهور
بإذن الكريم أنا عليهم لحقنا
لا بينت شرذمة الظلم والجور
والخبث.. قمنا يمهم وانطلقنا
ما نستريح وبالوطن باقي جذور
للي تحت طيب النوايا درقنا
عليهم اللعنة إلى نفحة الصور
اللي هدفهم بالحقيقة غرقنا
والشر لا بده مع الوقت مدحور
والخير قبل أنا نعشقه عشقنا
أرض عطاها الله مكانين وخيور
يا ما لها من غلو الأثمان سقنا
من دونها لو يصبح الرأس مبتور
عهد وقدم الله عليه اتفقنا
هذا الوطن ليا غدا كل معرور
ننسى على وطية ترابه رمقنا
منه خذينا الجاه والعلم والنور
وفدوه لو أن الموت لا جله زرقنا
