يا شيخ ما هي بايهات علومي
مير ان ما عندك لهرجي ملافي
غروك زيلان سواة الرجومي
ازوال ناس ما تعرف القوافي
أمهل ترى دنياك ما هي تدومي
ترى الليالي عدها باختلافي
لابد ما يزمي طويل الحزومي
بيني وبينك يا ربيع الضعافي
وعيني اللي كن فيها هزومي
والكبد كنه فوق حامي الرضافي
حلفت ما اخلي طريق اللزومي
اشرب هناي من ازرق الجم صافي
وخلاف ذا دنيت حمرا ردومي
شيبا ظهر من كثر سوج ال ظلافي
ما وقفت با السوق للي يسومي
حايل ثلاث سنين عقب العسافي
ابي عليها اضرب طريق اليمومي
متنحر هاك البيوت الملافي
دسمين الايدي لاسرن النجومي
ذباحة للبل سود الشعافي
ربعي هل الشيمات واهل العزومي
ياما قزا بايمانهم من سنافي
وصفرن يطاوعن المقاود سجومي
ومزرجات فيهن الريش وافي
واهل ضعون ما تلاها بهومي
قطعان لامدوا سلفهم يشافي
ترعى من الجرعا لحد القسومي
با الصحصح اللي عشبها ما يعافي
ترعى بعشب باذرته الوسومي
تقطف زهر نوار قبل الهيافي
