زادت همومي من مقادير الايام
غير القلم ما ظني اشكي همومي
عشت الحزن عشت بغرابيل واوهام
ما ظنتي عقبك حياة تدومي
يتّمني الحال صرت من ضمن الايتام
يالله تفرج همنا يا رحومي
منهو منع عن خافقي شم الانسام
حسيبه الله سم حالي سمومي
يمه حنيت الراس في مشي الاقدام
بعض الحكي خلاني اقطع هدومي
بعض الحكي عكر حياتي بالاحلام
ضاق الصدر من كثر ما انتي تلومي
يمه تعودت المتاعب والآلام
هذا قصيدي كود يشرح همومي
شكيت همي للدفاتر والاقلام
غدا الورق مع خط يدي رسومي
يالله تزين حال باكر لقدام
وتزيّن احوالي بزين العلومي
خلاص ابسكت بس خلوني انام
ارحم لحالي كود تهنى حلومي
