في دهاليز الزمان وفي ركونة
ضحكةٍ صفراء وحسرة في جبينه
في ثنايا العمر والشعر وفنونه
حسرته قدام تغريد اربعينه
طرفه امتداد مسقط حزن نونه
في طرف صحرا الظما بحر وسفينه
العطش يا قاسيه شكله ولونه
خفقة فؤاده سحر رعشة يدينه
ما غشاك الا الحلا واعذب مزونه
ارتويه ولا احتواك الا السكينه
امس باكر طاح شوف العين دونه
في هدوء القرية، وضوضا المدينه
ظل سدره يكتحل من زيزفونه
في متاهات العمر، دمعه حزينه
في رجاء جذع اللقاء تثمر غصونه
والبعاد سياج ما بيني وبينه
الغضب نار، الرضا جنة سكونه
ارتوي تحنان ناظرك وحنينه
يا شموخ الحرف والقاف وشجونه
اكتبيني حرف ما تستوعبينه
يا سنا حرفي وتكوينه وكونه
انتشي خضوع للي تكتبينه
علميني غفوة العشق وجنونه
يا جنون العاشق وقسوة سنينه
