انا توي دريت ان الهوى يبحث خفا الرجال
بعد صمت الشفايف لا سقا الله ساعة الفرقا
بعد ما ثار بركان الوداع ولوحت بالشال
لمحت الكحل ودموع الوداع بجفنها غرقا
تحطم وردي احلام الغرام بضفه الترحال
وتبادلنا البكا لين انكسر تمثالنا طرقا
ودقت ساعة الصفر وتمنينا نعود اطفال
نبني في الدجا جسر الخيال ولا احد يرقا
على كف القدر تمشي القلوب الساهية تختال
تذوب قلوبنا والوقت يسرق من تبي سرقا
بقالي خصلتين وصورة البرواز راس المال
حصيلي من حكاية الف ليله دمعة زرقا
احسب ان المحبه تسليه والعشق لعب عيال
اثر من لاعته فرقا الولايف جاوب الورقا
عرفت ان الفتى لابد ما يبكي على الاطلال
إلى ذعذع هوى الغربي عصير ومهجته شرقا
