البارحة ما نمت لين آخر الليل
والدمع فوق الخد زاد انهماره
على أبوي اللي رحل كنه سهيل
صعب على غيره يقلد مساره
ابكي على الغالي.. ريف المقابيل
ابكي وتبكي معي حتى دياره
وجدي على لاماه.. من يذبح الحيل
فيه الكرم بين.. وهذي شعاره
ويشهد بما قلته.. كلام الرياجيل
ربعه مع أصحابه وضيفه وجاره
اللي مربينا بعيد عن الميل
وفي واجبه ما يوم جاب اعتذاره
من مر ذاك اليوم دمعي هماليل
والقلب «يقطع» عليه بمراره
الموت غيب تاج راسي بتهويل
يا رب هونها علي الخساره
ويا خوي جعلك مثل من يعسف الخيل
وتبقى ذخر فالوقت عز وآماره
ويا الله يا منزل سحاب مخاييل
تدهل بها قبره ويزهر خضاره
بحق الذي نزل «تبارك» مع «الفيل»
في جنة الفردوس يكون داره
