حنا عطيناكم مواثيق وعهود
حكامنا يا اهل العقول الحصيفة
وانت تخبريا صاحب الخير والجود
حب القلوب الطيبة والنظيفة
عز الرياض اللي مع الناس محمود
سلمان يا أمير القلوب العفيفة
حيثه بذل لمواطنه كل مجهود
باسه قوي أما المشاعر رهيفة
صبّار جابر عزمه بدوم مشدود
ياما يواجه من رزايا مخيفة
هو راعي الفضل المعرّب عن جدود
سلمان شكره ما يوفيه ضيفه
في بسمته ردٍ على كل مقرود
اللى بباطنهم على الوجه شيفا
في موقفٍ يشهد لهم كل مسعود
قرّوا شريعتنا الشريعة الحنيفة
يخلص لهم منهو من الله مسنود
ومنهو معروف وله نوايا شريفة
ما هو بقايا تالفة وشي مطرود
منها نجاسة وشي أمثال جيفة
باري لسانه ناسيٍ رب موجود
متنكر لكل المبادىء الشريفة
مفتون ضايع كل ما قال مردود
ما اوزن كلامه تقل حرمه خفيفة
كل عمل حق من الله مشهود
إلا مسجل في ثنايا صحيفة
مهما صغر أودق محصي ومعدود
لابد يلقى عاملٍ ما يضيفه
خص اللسان يكب بالنار مجحود
راعيه ما يلقي من الله ضيفة
ونكرر البيعة ونقسم لكم زود
كثرت لكم زود القلوب الوليفة
يفدا البلاد كبار وصغار وجنود
وكل الشعوب المبغضة والحليفة
وصلاة ربي عداد ما احب السعود
على النبي راعي السجايا اللطيفة
