هذه القصيدة في ليثنا الأبيض بعد فوزه على فريق الاتحاد يوم الجمعة الموافق 30- 4-1425هـ فهنيئاً لأبطالنا ومبروك من الأعماق.
|
مع الصبر شفتوا الابطال
ذي عادة الليث وفنونه
أبطال في لعبكم ورجال
ما حلا طريق تسيرونه
كاس ابو فيصل حصل بأفعال
هذا الفخر دوم تمشونه
قالوا عن الليث بعض اقوال
ياما سمعنا يذمونه
قالوا انتهى قلت يا من قال
هذا البطل لا تحدونه
وصل مواصيل ما تنطال
وسط الملاعب تشوفونه
مده ابو فيصل بالمال
عساه يسلم تعرفونه
شهم ولد شهم له موال
وراه دايم ومن دونه
وابو عبدالله بنا الاجيال
والليث شفتوه وشلونه
واليوم يضرب به الامثال
كم وقف اقلام مغبونه
وطلال معهم وسيع البال
لا قال دايم يطيعونه
مع البطل حل مع ترحال
دايم مع الليث تلقونه
وسالم مع الليث صال وجال
هادي وربعه يحبونه
وباقي الادارة بدون جدال
مع البطل ما يخلونه
وجمهور لاجل البطل شيال
بتشجيعهم دوم يحيونه |
الشاعر: محمد بن عبدالعزيز الخنيفر
| 
"الريـاضيـة"