أنا بلاي اليوم مني وفيني
ابني طعني في الظهر من يمينه
انا احسب نه عزوتي واليميني
واثره يخطط لي بغدر وغبينه
منهو غرز فيك العدا يا ظنيني
حتى عصيت الله وغيرت دينه
يومك صغير تنام واسهرت عيني
وكبرت تعصى ابوك واسهرت عينه
غرر بك اللي في الذرا ما يجيني
وخلاك حشوة مدفع مرسلينه
ليتك تعرف العلم صدق ويقيني
كانك تركت الزيف ومروجينه
شيخك مع شارون متعاضديني
حبل الردا والغدر متماسكينه
لكن على الله كل قاسي يليني
ونا مع الاحرار دون السفينه
من دونها نقصر طوال اليديني
لو طال مشوار الردي مع سنينه
وصلاة ربي عد هرج ثميني
على رسول منهجه مقتفينه
"مدارات شعبية"