حبك اللي في خفوقي من وريده لي وريده
واضح مثل انتشار البرق في صدر العتيم
باختصار اكثر عجزت آصفك في جمله مفيده
تهت كيف اببدا دخت والله العظيم
دجت في كل العصور البائده لين الجديده
رحت لين آخر حدود الشمس واطراف السديم
جيتلك عود يشوف عقيل في نظرة حفيده
واثرك اطهر من دموع الشوق في خد اليتيم
جيتلك طفل توضا للصلاة بيوم عيده
ما عرف معنى الحياة إلا بجامعك القديم
جيتلك شاعر طموحي لو أوفيك بقصيده
وانتي اجزل من زكاة الليل في كف الكريم
جيت والإرهاب عوّد في نحر من بان كيده
يوم ثارت صارو عيالك عما عين اللئيم
دام اهلك رجال ما تطرب على رقصة فريده
همهم يوم القيامة والسراط المستقيم
ثابتين ما تزعزعهم محطات وجريده
ولا يغررهم غرير وفوق ذي علم عليم
خصك الله في أمير جمّع الثنتين بيده
للئيم تصير صلب وللفقير تصير غيم
فيصل اللي بان فعله بالمهمات الشديده
مستحيل الحق جزاه بيت وافهم يا فهيم
ونايبه عبدالعزيز الماجد الشهم وعضيده
كم كفوف تطلب الله بين زمزم والحطيم
يحفظه ويدوم عزه وتصبح ايامه سعيده
سيدي واليا ابتسم نختال في ضل ونعيم
الوكاد انّك وطنا يا بريده يا بريده
درّة ربوع البلاد وعاصمة كل القصيم
"متابعة "