اذكريني لاصفا جوّك لحالك
وادفنيني في تراب المستحيل
أدري انك غارقه بأقصى خيالك
مع بديلٍ فاق بعيونك بديل
بس باكر لانتهت كل المسالك
في لهيب الشمس ترجين المقيل
ماني بعمك ولاني ولد خالك
بس أنا من حط لك قلبه دليل
ماني بقايل ترا قلبي حلالك
من هو اللي يعطي الدره هبيل
وكان قلبي من سهام الزيف شالك
فقلبي اللي يرفع نصاب الصقيل
وإن رسمت الحب في شاطي جمالك
مد عقلي يمسح الزيف الجميل
وكان حبي ما يبيك ولا يزالك
فأبلغ الصحة بتعريف العليل
وإن رفعت الشمع عن جمرة وصالك
ما نسيت ان اللهب شوق الفتيل
والتشاؤم لاغزى في يوم فالك
لا يغيضك والقدر بأمر الجليل
لو لجيت لما كبر بالنفس جالك
وأنت نفسك أبرهه والوقت فيل
والرجل لو صار بالديان هالك
ما يردي نفسك لقربة بخيل
علموني من سرو والليل حالك
لاخذيت آخذ ولا رضى بالقليل
اكتبيني لاطري شخصي ببالك
واكتبي بعدي عبارة مستحيل
"مدارات شعبية"