أشرقت شمس السعادة والشجر تحته ظلال
احتمي من الشمس بأشجار عطتني ظلها
أشرقت شمس السعادة بعد ليل جا وطال
ول ياليل النكاده والنعاسة كلها
آه لو تدرون كيف الهم وسط النفس جال
كان قلتولي غريبة كيف قلبك شلها
ما نفع دمع سكبته من عيوني يوم سال
امسحه يظهر يقول المشكلة ويش حلها
ماطلبت الا السعادة ماتمنيت الدلال
ماقويت اناظر الساعة وصرت املها
اتمنى الصبح يظهر وسأله هذا السؤال
كيف تلقى النفس منهو بالظلام يدلها
الغريب ان الهموم تزيد ماتعطي مجال
كان نفسي تمشي الدرب الذي يسهل لها
انجلى كل الضلام ولا بقالي به وصال
وقلت ياقلبي هموم عشتها به خلها
ول ياليل النكاده تحجزه عني جبال
الامل هو عشق روحي والامل هو خلها
الامل والله حظنته باليمين وبالشمال
والامل باد وانه دنيتي يدخل لها
اختفى هم بنفسي بعد نور الشمس زال
زال نور الشمس همي والنكاده كلها
"مدارات شعبية"