بديت باسمك ياسريع الإجابة
ياحي ياقيوم يالنافع الضار
رحبت عن ديرة هلا بالنيابة
بالزائر الغالي وبالضيف والجار
حي الله المالك وحيوا جنابه
حي الله اللي له معزة ومقدار
حييت بسم الدار واللي ربابه
حييت يارمز الصحافة والاخبار
بسم الأمير اللي لعيطا رقابه
وبسم الحضور ومن تهيض بالاشعار
وبسم الجبل وأهل الجبل مرحبا به
ترحيبةٍ تجلا عن الكبد الامرار
وبسم المحيفر والعيادة هلا به
ومن له علاقة بالجزيرة بالاقطار
ومكتب جريدتنا بحائل ومابه
لهم الفخر بزيارتك يابو بشار
هلا وسهلا عد وبل السحابه
انكرر الترحيب بك سر وجهار
نرفع هلا بك فوق عالي هضابه
أبرك نهار يوم حليت بالدار
"الصيف والسياحة"