عجيب يا قلبي وعجبتك دوبك
ما أشوف علمٍ جايز لك ومعجبك
يا قلب حاسبني وحاسب ذنوبك
مدري بخلان الرخا وش مرغبك
وش ولعك في ناس ما قلدوبك
ولا ثمنّوا حقك وقاموا بواجبك
ربع يذريها الذرى عن هبوبك
خسران لو تشكي عليهم مصايبك
إن كان ما تلمس يدينك جيوبك
في ذمتي ما منهم اللي يصاحبك
وعند النهاية برّقوا وضحكوبك
كم من ضحوكٍ يستغيبك ويشذبك
اليوم صدقانك وباكر حكوبك
وبعد الرجا فيهم تكدر مشاربك
هرّاجه المجلس ليا ما لقوبك
شي يقولونه حداهم تنكبك
ومالوا بسوق المهزله ونزلوبك
ضعاف العقول اللي تسولف على الدبك
يسبك اللي عاجزٍ عن دروبك
لا فاعلٍ فعلك ولا هو مجنبك
اعرف على جسم تفاصيل ثوبك
واترك مذاهبهم وعزز مذاهبك
"مدارات شعبية"