يا الله يا اللي بيدك الكون تدبيره
والناس تعلم بما تخفيه وتكنه
طالبك ترحم عزيز النفس وتجيره
يا رب أحله وسكن روحه الجنه
خالد سعيد الجعيد الطيب السيره
محدٍ بلايم عيوني يوم يبكنه
في واجبه ما حدن سولف بتقصيره
على النقا منهجه ما يختلف ظنه
على المعزه مواصل في مشاويره
والا الدروب الرديه ما قربهنه
من روس ربعٍ تحفظ العهد والجيره
تاريخهم ما يجيه الشك واللنه
فقده علينا شديد وبان تأثيره
واللي خذن الليالي ما يردنه
والله له الحكم والتقدير تقديره
والأمر له جل شانه راعي المنه
ما نعترض في قضاه ولا لنا غيره
نرضى بكل الأمور اللي قضاهنه
واللي بدرب الخطأ كتبت تقاريره
ما قدمه إلا كتاب الشرع والسنه
"مدارات شعبية"