منطقتنا الجوف تسكن وسط جوف
تسكن بجوفي وأنا في جوفها
ما توفيها الغلاء كل الحروف
آه.. ما أجمل لا قريت حروفها
منطقتنا (الجوف حلوة) بالوصوف
حلوة بطبع أهلها ووصوفها
في شمال المملكة مثل الهنوف
من سمع عنها تمنى شوفها
متعة العابر ومدهال الضيوف
وجهها مشرق وتندى كفوفها
مع براد الصيف دانية القطوف
جنة الدنيا بكل صنوفها
حاضنتنا في حشاها والكفوف
قبح الله من نسى معروفها
منطقتنا الجوف ماضيها إمعروف
واسألوا عنها الزمن وضيوفها
جوفها جوف الشهامة والسيوف
يوم كانت تعتزي بسيوفها
وجاها ابو تركي بحكم الشرع موف
احتضنها وزال عنها خوفها
ونحمد الله بالحرم نسعى ونطوف
في علمها مع جميع صفوفها
منطقتنا الجوف تسكن كل جوف
سلم الله راسها وكتوفها
"مدارات شعبية"