ان غبت وان ما غبت يا كامل الزين |
أغليك واودك ولا يمكن أنساك |
حبك طبع فالقلب يا منوة العين |
وفالروح يا غالي عسى الرب يرعاك |
طيفك يزور البال من حين إلى حين |
يا صاحبي والهم يبعد لعيناك |
يا كثر ما حبك ولا لك مساوين |
ويا كثر ما قلبي تولع بلا ماك |
جرحي يزود ولا لقاله مداوين |
مشقي خفوقي عقب يازين فرقاك |
كني عقب فرقاك ما لي مخاوين |
أشكي صدودك بين هذا وهذاك |
أنا أشهد ان حبك سكن فالشرايين |
يا اللي عسى تهنا وتسعد بدنياك |
نفل محمد الصخيبري |
|
